Welcome to South Africa!

Mit guete Fründe am Flughafe...

... bye bye Schwiz...

... gränzelosi Freiheit...

... zerscht Mau in Afrika...

... und ar grüene Küschte glandet.

E Interkontinental-Flug, wo der Sitz näbedranne frei isch, das isch scho eifach öppis ungloublech agnähms!:-) So hett d Reis geschter Abe agfange und isch hüt am spätere Nami ir schwüel-warm-salzige Küschteatmosphäre vo Durban zÄnd gange. Es hett alles tiptop klappet, ds Umstiege und Wieder-Ichegge in Johannesburg, der Böss hie vom härzige Flughafe ids Hostel, ds Gepäck hani gloub aues, eifach guet. Der erscht Idruck, woni vor Gägend hie ha isch ungloublech grüen. D Stadt isch ibettet ine Hügellandschaft, wo weni überbout isch und mit Gebüsch, einzelne Böim und Heckene ide verschiedenschte Grüentön lüchtet. Der Landeaflug und o d Fahrt id Stadt hani drum rächt cool gfunge. Und itz hoffi, dassi e chli meh zur Rueh chume aus letscht Nacht. Trotz em freie Platz, irgendiwe hani das mitem Schlafe im Flüger eifach no nid begriffe:-)