Cape Town ... Finally

Sit geschter bini itz also in Cape Town, zum Bewiis scho mau es Föteli vom Table Mountain:

Ja, i weiss, d Perspektive isch ungwahnet, es chönnt irgend e Bärg si:-) Da müesstermer itz eifach gloube, i bi no nid derzue cho, d Stadt so richtig zerkunde und es isch de schono ds Ziel, es klassisches Bild vo däm berüehmte Bärg zmache.

I ha o mini Gaschtfamilie gfunde und mis Zimmer bezoge. Henne cool, es hett e Lavändel-Stängel i jedem Schaftabteil gha! Überhoupt chanimer guet vorsteue, da zwe Monet ds si (zum Glück), es isch es u grüens Quartier (em/der gneigte Läser/Läserin faut sicher uf, dasses mir offesichtlech überau gfaut, wos chli grüen isch:-) und d Familie mitde zwöi Chind hettmi u härzlech ufgnoh. Hüt hani nomau e Lazy Day gha, ha chli Züügs igchouft und mi ono chli igrichtet.

Das isch d Ussicht us mim Zimmer, diräkte Zugang zur Veranda und em Garte, es hett u viel Vögel.

Südafrika hett es Stromversorgigsproblem, i regelmässige Abständ wird drum i einzelne Ortschafte oder Quartier der Strom abgstellt dermit ds Netz cha entlaschtet wärde. Nächti si mir dranne gsi und für zwo Stund isches dunkel worde. Das isch no speziell, öppis, wo für üs so sälbverständlech isch, Strom, isches plötzlech nüm. D Lüt heissech rächt druf igstellt, d Cherzli si scho parat gsi und mi weiss ja, dasses nume, äbe, zwo Stund geit.