Vorewäg, i bi guet ide Bärge acho, ds Taxi isch sogar zwo Stund ender cho, itz chumi de definitv nüm drus!:-)
Es isch schön u ganz angers aus ir Stadt, d Lodge, woni bi, isch chli u rustikal, es passtmer guet!
Hüt isch e Abstächer uf Lesotho ufem Programm gstande, das isch nume e abentürlechi Passstrass vo hie entfernt. Mir hei une guete Guide gha, es isch u spannend gsi, waser aues über Flora, Fauna, Geologie, Gschicht und Kultur hett verzellt. Leider simer o de Uswüchs vom Tourismus begägnet, dasch chli weniger cool gsi.
Mir hei chönne traditionells Brot und Bier probiere und das Modi hett verzellt, wies so geit mit Schuel und Gsundheitsversorgig und so. Das hani u guet gfunge.
Obwohlme mir scho in Durban hett gseit, der Wätterbricht sig u schlächt, heimer e super Tag gha. I Freumi auso sehr, die nächschte Tage no hie zsi.
U de bini oscho itz gspannt, öb de ds Taxi, woni wieder a Flughafe sött bringe, weniger Aloufzyt brucht!